मुन्दडा समूहको घरमा प्रहरीको व्यापक छापा, मेघराज शर्मा मार्ग सिल

काठमाडौं विराटपाटी साउन १८, सोमबार बिहानैदेखि मुन्दडा समूहसँग सम्बन्धित घर तथा परिसरमा नेपाल प्रहरीले व्यापक खोजतलास सुरु गरेको छ। प्रहरी टोलीले घरलाई चारैतिरबाट घेराउ गर्दै अनुसन्धान अघि बढाएको छ भने सुरक्षा संवेदनशीलतालाई मध्यनजर गर्दै मेघराज शर्मा मार्गमा सर्वसाधारणको आवतजावतसमेत अस्थायी रूपमा रोकिएको छ।

प्रहरीले खोजतलास जारी रहेकाले घटनास्थल वरपर उच्च सुरक्षा व्यवस्था अपनाएको जनाएको छ। अनुसन्धानको कारण र खोजतलासको विस्तृत विवरण भने हालसम्म सार्वजनिक गरिएको छैन।

यस घटनाबारे थप आधिकारिक जानकारी आउनेक्रम जारी रहेको प्रहरीले जनाएको छ।