मोरङमा सुभाष पौडेललाई जिल्ला संयोजकको जिम्मेवारी

१५औँ महाधिवेशन तयारीका लागि शशांक कोइरालाद्वारा पौडेललाई संयोजनको जिम्मेवारी

विराटनगर । नेपाली कांग्रेसको १५औँ महाधिवेशन तयारीका लागि मोरङमा सुभाष पौडेललाई जिल्ला संयोजकको जिम्मेवारी दिइएको छ।

महाधिवेशन तयारी समितिका संयोजक डा. शशांक कोइरालाले पौडेललाई मोरङको जिल्ला संयोजक तोकेका हुन्। पौडेल मोरङको सुन्दरहरैंचा निवासी हुन्।

पौडेलले यसअघि नेपाली कांग्रेस मोरङ क्षेत्र नम्बर ६ को क्षेत्रीय सभापतिको जिम्मेवारी सम्हालिसकेका छन्। महाधिवेशन तयारीका लागि उनलाई बुधबार जिल्ला संयोजकको जिम्मेवारी दिइएको उनको सचिवालयले जनाएको छ।

१५औँ महाधिवेशनको तयारीका क्रममा कांग्रेसभित्र वडा अधिवेशनको प्रक्रिया अघि बढिरहेको छ। इतर समूहले आगामी असोज १५ गते वडा अधिवेशन गर्ने तयारी गरिरहेको जनाएको छ।

यस्तै, इतर समूहले आगामी मंसिर २१, २२ र २३ गते केन्द्रीय महाधिवेशन गर्ने कार्यतालिका सार्वजनिक गरेको छ।

मोरङको जिल्ला संयोजकको जिम्मेवारी पाएसँगै पौडेलले जिल्लामा महाधिवेशनसम्बन्धी संगठनात्मक तयारी र समन्वयको जिम्मेवारी सम्हाल्नेछन्।

मोरङमा वडा अधिवेशन हुँदै क्षेत्रीय प्रतिनिधि चयन र त्यसपछिका अधिवेशनका प्रक्रिया अघि बढ्ने क्रममा पौडेलको संयोजकको भूमिका रहनेछ।