इनरुवा–कप्ताङगञ्ज सडक ठेक्का तोडियो

इनरुवा, मङ्सिर १६ मंगलबार  – सुनसरीको इनरुवा–कप्ताङगञ्ज सडक २२.६६ किलोमिटर निर्माणको ठेक्का गौरीपार्वती–देव एण्ड सायर–भूमि जेभीसँग तोडिएको छ।

सडक विभाग अन्तर्गत हुलाकी राजमार्ग निर्देशनालयले सार्वजनिक सूचना जारी गर्दै ठेकेदारले समयमै काम नगरेको र ठेक्का सम्झौताको प्रतिबद्धता पूरा नगरेको कारण सम्झौता रद्द गरिएको जनाएको छ। ठेक्का २०७८ माघमा ५२ करोड ७० लाख रुपैयाँमा सम्झौतावद्ध भएको थियो।

निर्माण प्रगति करिब १८ प्रतिशतमात्र रहेको र पटक–पटक ताकेता गर्दा पनि काम स्थगित भएकाले धरौटी जफत गरिने, बाँकी रकम असुल गरिने र ठेकेदारलाई कालोसूचीमा राख्न सिफारिस गरिएको छ।