नेपाल प्रिमियर लिग (NPL) २०२४ आज विराटनगर किंग्स र जनकपुर बोल्ट्सको खेलसँगै कीर्तिपुरको TU क्रिकेट मैदानमा सुरु हुँदैछ। क्रिकेट एसोसिएसन अफ नेपाल (CAN) का अनुसार प्रतियोगितामा आठ फ्रेन्चाइज टोलीले प्रतिस्पर्धा गर्नेछन्।

डिसेम्बर २ मा काठमाडौं गुर्खाजले चितवन राइनोजसँग, र कर्णाली याक्सले जनकपुर बोल्ट्ससँग खेल्नेछन्।

डिसेम्बर ३ मा सुदूरपश्चिम रोयल्सले विराटनगर किंग्ससँग र पोखरा एभेन्जर्सले चितवन राइनोजसँग खेल्नेछन्।

डिसेम्बर ४ मा लुम्बिनी लायन्सले आफ्नो पहिलो खेल विराटनगर किंग्ससँग खेल्नेछ।

शीर्ष चार टोली प्लेअफमा प्रवेश गर्नेछन्। क्वालिफायर १ र एलिमिनेटर डिसेम्बर १८ मा हुनेछन्। क्वालिफायर २ डिसेम्बर १९ मा हुनेछ। अन्तिम खेल डिसेम्बर २१ मा हुनेछ।