भारतीय मूलकी अन्तरिक्ष यात्री सुनीता विलियम्स २८६ दिनपछि पृथ्वीमा फर्किइन्

भारतीय मूलकी अमेरिकी अन्तरिक्ष यात्री सुनीता विलियम्स २८६ दिनको अन्तरिक्ष यात्रा पश्चात सफलतापूर्वक पृथ्वीमा फर्किएकी छन्। उनीसँगै बैरी विलमोर र अन्य दुई अन्तरिक्ष यात्रीहरू पनि पृथ्वीमा सुरक्षित अवतरण गरेका छन्।

उनीहरूलाई लिएर आएको अन्तरिक्ष यान आज बिहान ३:२७ बजे अमेरिका को फ्लोरिडा राज्यको समुद्री सतहमा अवतरण गराइएको हो। अवतरणपछि सबै अन्तरिक्ष यात्रीहरूलाई स्वास्थ्य परीक्षणका लागि सुरक्षित स्थानमा लगिएको छ।

यो मिशन निकै महत्वपूर्ण मानिएको छ, जसमा सुनीता विलियम्सले वैज्ञानिक अनुसन्धानका साथै अन्तरिक्षमा मानव जीवनलाई सम्भव बनाउने प्रविधिहरूमा परीक्षणहरू गरेकी थिइन्।

सुनीता विलियम्सको यो साहसी यात्रा पुनः एकपटक विश्वभरका मानिसहरूका लागि प्रेरणाको स्रोत बनेको छ।