प्रशान्त किशोर नयाँ अभियान विहारमा 

पटना, भाद्र १९ – प्रशान्त किशोर नेतृत्वको जनसुराज अभियान पछिल्लो समय बिहारका युवामाझ आकर्षण बटुल्न सफल भएको छ। रोजगारी, शिक्षा सुधार र सुशासनलाई मुख्य एजेन्डा बनाउँदै किशोरले पदयात्रा, गाउँ–गाउँको संवाद र डिजिटल माध्यममार्फत अभियानलाई गति दिइरहेका छन्। युवापुस्ताले यसलाई नयाँ विकल्पको रूपमा हेरिरहेको देखिन्छ।

तर, बिहारको राजनीतिक मैदानमा जातीय समीकरण अझै निर्णायक देखिन्छ। दलहरूको उम्मेदवार छनोटदेखि गठबन्धन बनाउने प्रक्रियासम्म जातीय गणितलाई आधार बनाइन्छ। यही कारण जनसुराजले आर्जन गरेको जनसमर्थनलाई मतमा रूपान्तरण गर्नु प्रशान्त किशोरका लागि चुनौतीपूर्ण बन्न पुगेको छ।

विश्लेषकहरूका अनुसार, जनसुराजले वैकल्पिक राजनीतिक धार तयार गरे पनि चुनावी नतिजामा प्रभाव पार्न जातीय संरचना तोड्नुपर्ने बाध्यता रहनेछ। ग्रामीण क्षेत्रमा मतदाताको प्राथमिकता अझै पनि जातीय पहिचान र परम्परागत दलहरूमै केन्द्रित देखिन्छ।

प्रशान्त किशोरको चुनावी रणनीति र अनुभवलाई आधार मान्दा उनलाई सामाजिक सन्तुलन पुनःनिर्माण गर्ने अपेक्षा गरिएको छ। तर तत्कालका लागि, जनसमर्थनलाई ठोस मतमा बदल्नु उनको राजनीतिक यात्राको सबभन्दा ठूलो परीक्षा बन्ने विश्लेषण गरिएको छ।