हरिवहादुरको जुत्ता र ‘जेन–जी शहीदको जुत्ता’ : दुई जुत्तामा समाजको कथा

काठमाडौं असाेज १५, नेपाली चलचित्र बजारमा भर्खरै प्रदर्शनमा आएका दुई फरक शैलीका फिल्म हरिवहादुरको जुत्ता र जेन–जी शहीदको जुत्ता ले दर्शकबीच चर्चा बटुलेका छन्। एउटै वस्तु “जुत्ता”लाई आधार बनाएर निर्माण गरिएका यी फिल्मले समाजका भिन्न–भिन्न तह र सन्देश उजागर गर्ने प्रयास गरेका छन्।

हरिवहादुरको जुत्ता हास्य–व्यङ्ग्य शैलीमा ग्रामीण जीवन, गरिबी र भ्रष्टाचारलाई व्यङ्ग्य गर्छ। मुख्य पात्र हरिवहादुरको पुरानो जुत्ताले साधारण नेपालीको संघर्ष र आत्मसम्मानको कथा बोकेको छ। हल्का मनोरञ्जनसँगै यसले सामाजिक प्रश्न उब्जाउने उद्देश्य राखेको छ।

त्यसैगरी जेन–जी शहीदको जुत्ता पछिल्लो पुस्ताको आन्दोलन र बलिदानको कथामा आधारित छ। आन्दोलनका क्रममा शहीद बनेको युवाको जुत्तामार्फत यो फिल्मले राजनीतिक चेतना, विद्रोही भावना र परिवर्तनको मूल्यलाई प्रस्तुत गरेको छ। फिल्ममा मनोरञ्जनभन्दा बढी भावनात्मक र यथार्थपरक प्रस्तुतीकरणलाई जोड दिइएको छ।

दुवै फिल्ममा ‘जुत्ता’ पात्रभन्दा ठूलो प्रतीक बनेको छ। एकातिर हरिवहादुरको जुत्ता जनताको दैनिक संघर्षको ऐना हो भने अर्कातिर शहीदको जुत्ता बलिदान र राजनीतिक परिवर्तनको सन्देश दिने प्रतीक बनेको छ।

चलचित्र समीक्षकहरूको भनाइमा, यी दुई फिल्मले नेपाली समाजलाई फरक कोणबाट चित्रण गरे पनि दुबैको सार एउटै छ—“जुत्तामा समाजको यात्रा लुकेको हुन्छ।”