विपन्न, असहायलाई शय्या छुट्याउन निर्देशन

स्वास्थ्य तथा जनसङ्ख्या मन्त्रालयले विपन्न, असहाय र उपेक्षित बिरामीलाई निःशुल्क उपचारका लागि १० प्रतिशत शैया छुट्याउन देशभरका स्वास्थ्य संस्थालाई निर्देशन दिएको छ ।

मन्त्रालयले प्रत्येक स्थानीय तहका स्वास्थ्य संस्था र देशभरका सबै सरकारी, सामुदायिक र निजी स्वास्थ्य संस्थालाई छुट्टाछुट्टै पत्र पठाएर लक्षित समूहलाई निःशुल्क उपचार उपलब्ध गराउनका लागि आफूसँग रहेको कूल शैयाको १० प्रतिशत छुट्याएको छ ।

जनस्वास्थ्य सेवा ऐनको दफा ६४ र स्वास्थ्य सुविधा सञ्चालन मापदण्ड–२०७७ को दफा ७० (डी) बमोजिमको व्यवस्था कार्यान्वयन गर्न मन्त्रालयले तेस्रो पटक ७५३ स्थानीय तहका अस्पताललाई निर्देशन दिएको हो । मापदण्डले विपन्न समुदायका, असहाय र उपेक्षित भएका बिरामीहरूको निःशुल्क उपचारका लागि प्रत्येक स्वास्थ्य संस्थालाई १० प्रतिशत शैया छुट्याउन आदेश दिएको छ।

मन्त्रालयले आफ्नो निर्देशनलाई अस्पतालहरूले अनुमोदन गरे वा भएन भनेर अनुगमन गर्ने बताएको छ।