संसारकै शक्तिशाली मुद्रा डलर कुवेतको मुद्रा दिनार

सामान्यतया विश्वको सबैभन्दा शक्तिशाली मुद्रा अमेरिकी डलरलाई मानिन्छ। अमेरिकी डलर विश्वव्यापारमा सबैभन्दा बढी प्रयोग हुने मुद्रा हो। कूल व्यापारमा झन्डै ८० प्रतिशत कारोबार डलरबाट हुने गरेको छ। तर, अचम्म के छ भने विश्वको सबैभन्दा बढी कारोबार हुने डलर कुवेतको मुद्रा ‘दिनार’ भन्दा धेरै तल छ।

कुवेतको मुद्रा दिनार संसारको सबैभन्दा बलियो मुद्रा हो। १ दिनारले ३.२६ अमेरिकी डलर खरिद गर्छ। पर्सियन खाडीमा रहेको कुवेतको छिमेकी इरानको रियाल विश्वकै कमजोर छ। कुवेत साउदी अरब र इराकको बीचमा पर्सियन खाडीमा अवस्थित छ। यसले तेलको प्रमुख विश्वव्यापी निर्यातकर्ताका रूपमा धेरै सम्पत्ति कमाउँछ। कुवेती दिनार सन् १९६० देखि चलनचल्तीमा छ।

बहराइनको मुद्रा दिनार विश्वको दोस्रो बलियो मुद्रा हो। १ दिनारले २.६५ डलर किन्छ। बहराइन साउदी अरबको पूर्वीतटमा पर्सियन खाडीमा रहेको एउटा टापु देश हो। कुवेतजस्तै बहराइनले तेल र ग्यास निर्यातबाट धेरै पैसा कमाउँछ। बहराइनी दिनार सन् १९६५ मा चलनमा आएपछि डलरमा पेग गरिएको हो।

ओमानको मुद्रा रियाल विश्वको तेस्रो बलियो मुद्रा हो। १ रियालले २.६० डलर किन्छ। ओमान संयुक्त अरब इमिरेट्स र यमनको बीचमा अरबी प्रायद्वीपको पूर्वी छेउमा अवस्थित छ। यसको धनी छिमेकीहरू जस्तै ओमान तेल र ग्यासको प्रमुख निर्यातक मुलुक हो। ओमानी रियाल १९७० मा चलनमा ल्याइएपछि डलरमा पेग गरिएको थियो।

डलरभन्दा अन्य धेरै देशका मुद्रा धेरै बलिया छन् किनभने तिनीहरू डलरभन्दा बढी मूल्यवान छन्।