प्रधानमन्त्री नरेन्द्र माेदी विरुद्ध संसद्‌मा अविश्वासको प्रस्ताव

भारतीय काग्रेस पार्टीका एक जना सांसदले प्रधानमन्त्री नरेन्द्र मोदी विरुद्ध संसद्‌मा अविश्वासको प्रस्ताव बुधवार दर्ता गराएका छन्

विपक्षी नेताहरूले प्रधानमन्त्री मोदीलाई मणिपुरबारे बोल्न बाध्य पार्न यस्तो कदम चालिएको हाे ।

उनीहरूले उक्त राज्यमा देखिएको जातीय द्वन्द्वबारे प्रधानमन्त्रीले संसद्मा सम्बोधन गर्नुपर्ने माग गरिरहेका छन्।

गृहमन्त्री अमित शाहले लोकसभामा यसै साता बोल्दै सरकार मणिपुरका विषयमा छलफल गर्न तयार रहेको भएपनि विपक्षीले त्यसमा अवरोध पुर्‍याइरहेको बताएका थिए।

मणिपुर राज्यमा भएको हिंसाका कारण उत्पन्न गतिरोधका माझ भारतीय प्रधानमन्त्री नरेन्द्र मोदीले संसद्मा अविश्वासको प्रस्तावको सामना गर्नु पर्ने भएको छ।