वर्षाको समयमा डेंगुको संक्रमणले ठूला–साना सबै उमेर समूहका व्यक्तिहरुलाई प्रभावित हुने चिकित्सकहरुले बताएका छन् । बुढीगंगा गाउँपालिका स्वास्थ्य शाखा प्रमुख वासुदेव रेग्मीले डेगुं पोथी प्रजातिको एडिज नामक लामखुट्टेको टोकाइबाट सर्ने वताए ।

“वर्षाको मौसममा किटजन्य रोगहरुमा डेंगु पनि देखिने गरेको छ । उक्त लामखुट्टे सफा पानी जमेको ठाउँमा बस्छ र डेंगु संक्रमण फैलाउँछ । डेंगु भाइरसको कारण हुने संक्रमण हो,”उनले भने, “डेंगुको संक्रमण बालबालिकामा छिटो र सजिलै देखिने हुँदा अभिभावकलाई डेंगुको संक्रमणबारे जनचेतना हुनु अति आवश्यक छ ।”

डेंगुका लक्षण

कमजोरी महसुस हुने

अचानक ज्वरो आउनुका साथै घाँटी दुख्ने ।

खान मन नलाग्ने ।

भोक नलाग्ने ।

वाकवाकी लाग्ने

मांसपेशी र जोर्नीमा दुखाइ हुने ।

शरीरमा रातो बिबिरा देखिनु ।


यसरी बच्ने तरिका

पानीका भाँडाकुँडा, ट्यांकी छोपेर राख्ने

घर वरपर सफा राख्ने ।

शरीर छोप्ने कपडा लगाउने ।

पानीका भाँडाकुँडा छोपेर राख्ने

घर वरिपरी पानी जम्ने खाल्डाखुल्डी पुर्ने ।

झुलभित्र सुत्ने

लामखुट्टेका लार्भा नष्ट गर्ने ।

लामखुट्टे आउन नदिन किटनाशक औषधी छर्किने