उदाउँदो सूर्यलाई अर्घ दिएर छठ पर्वको समापन
२०८० मंसिर ४, सोमबार ०९:१९
देशै भरि सहित सम्पूर्ण मिथिला क्षेत्रमा आज बिहान उदाउँदो सूर्यलाई अर्घ दिएर छठ पर्वको समापन गरिएको छ ।
पर्वको चौथो दिन आज बिहान महोत्तरी, धनुषा, सिरहा, सप्तरी, सुनसरी, मोरङ, सर्लाही, रौतहट, बारालगायत मिथिला क्षेत्रका नदी र पोखरीमा उदाउँदो सूर्यलाई दही अर्पण गरी छठ पर्वको समापन गरिएको छ ।
पर्सा,महोत्तरीको जलेश्वर, मटिहानी, सुगा, गौशाला, पिपरा, सम्सी र बर्दिबासमा रहेका पोखरी, ताल र खोलाका साथै प्रसिद्ध नदी, बिराही, रातो मराहा, जङ्गाहा, अंकुसी र नहरका किनारमा पर्व मनाइँदै आएको छ । ।
सत्य र अहिंसाप्रति मानवको चासो बढाउनु र सबै प्राणीप्रति सहानुभूति राख्न उत्प्रेरित गर्नु पर्वको विशेषता हो ।
सूर्यदेवको पूजा आराधना गर्ने आकर्षक पद्धति मानिने पर्वमा उदाउँदो र अस्ताउँदो सूर्यलाई भक्तिपूर्वक पूजा गरिन्छ ।
मेलामा पोखरी, खोला, खोला र तालका किनारमा भक्तजनको भीड लागेको छ ।
छठ सद्भाव, विश्वास र सामाजिक सद्भावको पर्व हो किनभने सबै पृष्ठभूमिका मानिसहरू एकै ठाउँमा भेला भएर सूर्यदेवको आराधना गर्ने गर्दछन्। सूर्यदेवलाई प्रसन्न गर्नाले परिवारमा सुख, समृद्धि, सुस्वास्थ्य र दीर्घायु हुने जनविश्वास रहेको छ ।




