आज पानी पर्ने सम्भावना रहेको

 जल तथा मौसम पूर्वानुमान महाशाखाले बिहीबार काठमाडौंसहित देशभर वर्षाको सम्भावना रहेको जनाएको छ ।

महाशाखाका अनुसार पश्चिमी क्षेत्रबाट सुरु भएको बाढी देशभर फैलिदै गएकोले देशभर हल्कादेखि मध्यम वर्षाको सम्भावना रहेको छ ।

बुधबार देशभर बदली रही यो प्रणाली बिहीबार पनि कायम रहने मौसम पूर्वानुमान महाशाखाकी वरिष्ठ मौसमविद् प्रतिभा मानन्धरले बताइन् ।

मानन्धरले भने, ‘शुक्रबारबाट यो प्रणाली क्रमशः कम हुने अपेक्षा गरिएको छ, तर बादल अझै केही दिन कायम रहने छ ।

मौसम पूर्वानुमान महाशाखाका अनुसार कोशी र मधेस प्रदेशका थोरै स्थानहरुमा र देशको पहाडी भूभागका थोरै स्थानहरुमा हल्का वर्षाको सम्भावना रहेको छ भने अन्य स्थानहरुमा हल्का वर्षाको सम्भावना रहेको छ ।

साथै देशका उच्च पहाडी तथा हिमाली भूभागका केही स्थानमा हल्का हिमपातको सम्भावना रहेको छ ।

बुधबार काठमाडौंको न्यूनतम तापक्रम ९ दशमलव ३ डिग्री र अधिकतम तापक्रम २३ दशमलव २ डिग्री सेल्सियस मापन गरिएको थियो । त्यसैगरी बुधबार जुम्लाको न्यूनतम तापक्रम शून्य दशमलव ५ डिग्री सेल्सियस मापन गरिएको छ ।