देशभर मनसुन वायुको प्रभाव जारी रहने

हाल कोशी र मधेस प्रदेशका केही स्थानमा मेघगर्जन र चट्याङसहित हल्कादेखि मध्यम वर्षा भइरहेको छ ।

बागमती, गण्डकी, कर्णाली र सुदूरपश्चिम प्रदेशमा पनि हल्का वर्षा भइरहेको छ ।

आज बिहान जारी गरिएको बुलेटिन अनुसार मधेस प्रदेशका एक–दुई स्थानमा मेघगर्जन र चट्याङसहित भारी वर्षाको सम्भावना रहेको छ ।

शुक्रबार दिउँसो देशभर सामान्य बदली रहने महाशाखाले जनाएको छ ।

देशका विभिन्न स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

बागमती र लुम्बिनी प्रदेशका एक–दुई स्थानमा भारी वर्षाको सम्भावना छ ।

शुक्रबार राति देशभर आंशिकदेखि सामान्य बदली रहने जनाइएको छ ।

कोशी, मधेस, वाग्मती, लुम्बिनी, कर्णाली र सुदूरपश्चिम प्रदेशमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

कोशी, वाग्मती र लुम्बिनी प्रदेशका एक वा दुई स्थानमा भारी वर्षाको सम्भावना छ ।

आगामी २४ घण्टामा देशका विभिन्न स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

महाशाखाले कोशी, वाग्मती र लुम्बिनी प्रदेशका भूभागमा भारी वर्षाको सम्भावना रहेकाले सतर्कता अपनाउन आग्रह गरेको छ ।