राष्ट्रिय स्वतन्त्र पार्टी (रास्वपा) का अध्यक्ष रवि लामिछानेले आफूले कुनै अपराध नगरेको दाबी गरेका छन्।

शुक्रबार बनस्थलीस्थित पार्टी कार्यालयबाट पक्राउ गरिएपछि लामिछानेले पत्रकार र समर्थकहरूलाई सम्बोधन गर्दै आफूविरुद्ध अन्यायपूर्ण रूपमा राज्यको शक्ति प्रयोग भएको बताएका छन्।

“अभियानको आशामाथि हमला गरिएको छ,” उनले भने। तर, न्यायिक प्रक्रियाप्रति सम्मान व्यक्त गर्दै उनले राजनीतिक प्रतिरोधको आवश्यकता रहेको उल्लेख गरे। उनले भने, “मैले कुनै अपराध गरेको छैन। राज्यले मविरुद्ध सबै शक्ति प्रयोग गरिरहेको छ। म दृढतापूर्वक सामना गर्नेछु।”

पार्टी कार्यालयबाट बाहिरिँदा लामिछानेका समर्थकहरूले उनको पक्षमा नारा लगाउँदै ऐक्यबद्धता जनाए।

 लामिछानेलाई पक्राउ गरी पोखरा लगिएको छ।