पाणिनी विद्यालयलाई सहयोग

विराटनगरका सामाजिक अगुवा विद्वान जनहरू सक्रिय भएर २०५५ सालमा पं खगेश्वर न्यौपानेकाे अध्यक्षतामा गठित समितिबाट   स्थापित भै संचालित भएको पाणिनि संस्कृत विद्यालय सनातन धर्म सम्यतामा आस्थावान दाताहरूको सह‌योग‌मा संचालित त भैरहेको छ।   

आफ्नो स्थायित्वका लागि  विद्यालयबाट अक्षयकोष वृद्धि योजना बनाएकाले सो कोष वृद्धिमा समाजिक विशिष्ट व्यक्तित्वहरूबाट सहयोग भै रहेको छ । यसै सन्दर्भमा खाेटाङ वडका दियाले निवासी हाल काठमाडौ मूलपानी निवासी नारायणप्रसाद ओझाका छाेरा वुहारी विशाल ओझा सुषमा ओझाले रू ४ ,५२,३६०/- आफ्ना पूर्वजहरूकाे श्रद्धा स्मृतिका लागि अक्षयकोषमा प्रदान गर्नु भएको छ । 

नारायणप्रसाद ओझा आजीवन यस विद्यालयकाे सल्लाहकार हुनुहुन्थ्यो ।

विराटनगर वडा न ५ मा अवस्थित याे विद्यालयबाट शास्त्रीय विधि अनुसार कर्मकाण्ड गर्ने  याेग्यता भएका वटुकलाई आवास भाेजन समेतको व्यवस्थापनमा अध्यापन गराउने गरिएको छ ।