नेपाल राष्ट्र बैंक (एनआरबी) ले आज बोलकबोल प्रक्रियामार्फत रु ४० अर्ब बराबरको निक्षेप संकलन गर्ने भएको छ।

२२ दिन अवधिका लागि हुने यो निक्षेप संकलनको बोलकबोल प्रक्रिया दिउँसो ३ बजेसम्म खुला रहनेछ।

केन्द्रीय बैंकका अनुसार यो प्रक्रिया अनलाइन बोलकबोल प्रणालीमार्फत हुनेछ। न्यूनतम बोल रकम रु १० करोड तोकिएको छ भने अधिकतम रु ५० अर्बसम्म प्रस्ताव राख्न सकिने व्यवस्था छ। बाँकी रकम रु १० करोडको गुणा हुने गरी विभाजन गर्न सकिन्छ।

यस कदममार्फत राष्ट्र बैंकले वित्तीय प्रणालीमा तरलता व्यवस्थापन गर्न खोजेको हो।