दाइ, अब देशको राजनीति सम्हाल्नुस्’

जेनजीको आग्रह, बालेनको मौन जवाफ

काठमाडौं पुस १०, काठमाडौं महानगरका मेयर बालेन्द्र शाह ‘बालेन’ बिहीबार कुपण्डोलमा राजनीतिक भेटघाटमै व्यस्त देखिए। भेटघाट सामान्य थिएन—पूर्वप्रधानमन्त्रीदेखि उदाउँदा र स्थापित राजनीतिक अनुहारसम्म एउटै दिन एउटै घेरामा।

डा. बाबुराम भट्टराई, रास्वपाका सभापति रवि लामिछाने र ऊर्जामन्त्री कुलमान घिसिङसँगको भेटपछि बालेनसँग जेनजीका अगुवाहरू छुट्टै बसे। त्यही भेटमा आएको प्रस्ताव भने सीधा थियो—“दाइ, प्लिज राजनीतिमा आइदिनुपर्‍यो।”

जेनजी आन्दोलनका अगुवा पुरुषोत्तम यादवका अनुसार यो आग्रह औपचारिक प्रस्तावकै रूपमा राखिएको हो। “हामीले बालेनलाई राजनीति गर्न आग्रह गरेका छौँ। उहाँले त्यसको जवाफ पनि दिनुभएको छ,” यादवले भने। तर त्यो जवाफ के थियो, खुलाइएको छैन।

भेटवार्ता अझै जारी छ। जेनजीहरू बालेन, कुलमान र रवि—तीनैलाई एउटै मोर्चामा देख्न चाहन्छन्। उनीहरूको विश्वास छ, अहिलेको असन्तुष्ट राजनीतिमा यी पात्रहरू मिल्न सके नयाँ विकल्प सम्भव छ।

बालेन मौन छन्, तर राजनीतिक वृत्त भने हलचलमा छ।

प्रश्न एउटै छ—बालेन व्यवस्थापनमै सीमित रहने कि व्यवस्थामै हस्तक्षेप गर्ने