त्रिवि नेतृत्व शून्यतामा : पदाधिकारीहरूको सामूहिक राजीनामा

काठमाडौं, १७ बैशाख — त्रिभुवन विश्वविद्यालय का शीर्ष पदाधिकारीहरूले एकैसाथ राजीनामा दिएका छन्, जसले विश्वविद्यालय प्रशासनमा अचानक नेतृत्व शून्यता सिर्जना गरेको छ।

सरकारले सबै राजनीतिक नियुक्ति खारेज गर्ने व्यवस्था सहितको अध्यादेश राष्ट्रपतिसमक्ष सिफारिस गरेपछि पदाधिकारीहरूले यस्तो निर्णय लिएका हुन्।

राजीनामा दिनेमा उपकुलपति प्रा. डा. दीपक अर्याल, रेक्टर प्रा. डा. खड्ग केसी तथा रजिस्ट्रार प्रा. केदारप्रसाद रिजाल रहेका छन्।

सरकारको नयाँ नीतिगत कदमसँगै विश्वविद्यालयमा राजनीतिक हस्तक्षेप अन्त्य गर्ने प्रयास स्वरूप यो परिवर्तनलाई हेरिएको छ। यद्यपि, तत्कालीन प्रशासनिक कामकाज र नयाँ नियुक्तिको प्रक्रिया कसरी अगाडि बढ्ने भन्ने विषयमा अन्योल देखिएको छ।

शिक्षा क्षेत्रमा ठूलो प्रभाव पार्ने यस घटनाले विश्वविद्यालय सुधारको बहसलाई थप तीव्र बनाउने अपेक्षा गरिएको छ।