कामी रिता शेर्पा ३२औँ पटक सगरमाथामा, लाक्पा शेर्पाको पनि कीर्तिमानी आरोहण

काठमाडौं ,सगरमाथा फेरि पनि नेपाली कीर्तिमानको केन्द्र बनेको छ। यसपटक विश्वप्रसिद्ध आरोही कामी रिता शेर्पा ले आफ्नोै रेकर्ड तोड्दै ३२औँ पटक सगरमाथाको शिखर चुमेका छन्। आइतबार बिहान १०:१२ बजे उनी सफलतापूर्वक शिखरमा पुगेका हुन्।

उनीसँगै त्यही दिन अर्की अनुभवी आरोही लाक्पा शेर्पा ले पनि बिहान ९:३० बजे ११औँ पटक सगरमाथा आरोहण गर्दै महिला तर्फको विश्व कीर्तिमान आफ्नो नाममा लेखेकी छन्।

एकै दिन दुई अलग-अलग ऐतिहासिक उपलब्धिले सगरमाथा फेरि पनि नेपाली पर्वतारोहणको गौरव झल्काउने ठूलो प्रतीक बनेको छ। यी सफलताले नेपालको हिमाली पर्यटनलाई अन्तर्राष्ट्रिय स्तरमा अझ बलियो बनाएको छ।