बागलुङ नगरपालिकाले नगरपालिकाभित्र जन्मेका सबै छोरीहरुको नाममा बैंक खाता खोल्ने नीति अपनाएको छ । आर्थिक वर्ष २०८०-८१ को नीति तथा कार्यक्रममा उल्लेख छ ।

नगरपालिकाले रू ५००० रकमसहित बैंक खाता खोलिदिने छ । नगरपालिकाले खातामा सबैभन्दा बढी ब्याज उपलब्ध गराउन सम्बन्धित बैंकसँग सम्झौतासमेत गरेको र कम्तीमा २० वर्षसम्म खाताबाट पैसा झिक्न नपाइने नगरप्रमुख वसन्तकुमार श्रेष्ठले बताए ।

नारीको सम्मान, छोरी जन्मेपछि आमा र नवजात शिशुमाथि हुने दुर्व्यवहार, गर्भावस्थामा भ्रूण परीक्षण, भ्रूण हत्या, छोरीप्रतिको गलत व्यवहारलाई मान्यता दिँदै ‘नगरपालिकाकी छोरी’ नामक कार्यक्रम ल्याएको नगरपालिकाले जनाएको छ ।

नीति तथा कार्यक्रममा सुन्दर, समृद्ध, सुखी र सुखी बाग्लुङ नगरपालिकाको परिकल्पना गरिएको छ

कार्यक्रम मेयर श्रेष्ठले प्रस्तुत गरेका थिए । नगरपालिकाले सडक कुकुर व्यवस्थापनका लागि ‘डग होस्टेल’ कार्यक्रम पनि ल्याएको छ । कृषिलाई उद्यम र किसानलाई उद्यमीका रूपमा विकास गर्न बढी जोड दिइएको छ ।

त्यसैगरी बाँझो भूमिको सदुपयोग गर्ने, गुरुयोजनामार्फत पर्यटन प्रवर्द्धन गर्ने, युवालाई स्वदेश फर्कन प्रोत्साहन गर्ने र शिक्षाको गुणस्तर अभिवृद्धि गर्ने नीति लिएको श्रेष्ठले बताए

नगरपालिकाले ज्येष्ठ नागरिक, असहाय र आर्थिक रूपमा विपन्न वर्गलाई निःशुल्क स्वास्थ्य सेवा उपलब्ध गराउने, प्रति वडा एक खेल मैदान निर्माण, खेलकुदलाई प्रोत्साहन गर्ने र दिगो सडक निर्माणमा ध्यान दिनेछ । नगरपालिकाले श्रम बैंक बनाउने, तामा खानीको खोजी गर्ने, मेयर मेरो साथी कार्यक्रम गर्ने लगायतका नीति लिएको छ ।