प्रधानमन्त्री पुष्पकमल दाहाल ‘प्रचण्ड’ले सीमा क्षेत्रको विकास र व्यापार प्रवद्र्धनलाई आगामी दिनमा कूटनीतिक माध्यमबाट व्यवस्थित गरिने बताएका छन् ।

नेपाल ट्रान्स हिमालय वाणिज्य संघको २४ औँ महासभाको आज यहाँ उद्घाटन गर्दै प्रधानमन्त्री प्रचण्डले व्यापार प्रवद्र्धनका लागि पूर्वाधार निर्माण गर्नुपर्नेमा आफू सचेत रहेको बताए । ‘तेस्रो पटक सरकारको नेतृत्व गर्दा मैले नेपाल–चीन सीमा नाका सञ्चालनमा ध्यान दिएको छु,’ उनले तातोपानीलगायत उत्तरी नाका हुँदै आवतजावत सहज भएको जानकारी दिए ।

साथै उनले आफ्नो पछिल्लो चीन भ्रमणका क्रममा सीमा क्षेत्रको विकासका लागि नेपाल र चीनको संयुक्त प्रयासको आवश्यकताबारे गहिरो छलफल भएको स्मरण गराए । यसले सीमापार व्यापार प्रवर्द्धनमा धेरै गणना गर्छ, उनले तर्क गरे।

२०५५ सालमा तातोपानी व्यापार सहयोग संघको नामबाट स्थापना भएको संघ अहिले विस्तारित भएको छ । यो नेपाल–चीन व्यापारमा संलग्न नेपालीहरुको छाता संगठन हो ।

हाल संघमा १२ सयभन्दा बढी सक्रिय सदस्य छन् ।

प्रधानमन्त्री प्रचण्डले तातोपानी र रसुवामा केन्द्रित भएर सीमापार व्यवसायको व्यवस्थापनमा यी व्यापारीको महत्वपूर्ण भूमिका रहेको टिप्पणी गरे । उनले कोभिड–१९ जस्ता विपद् तथा संकटका बेला संघले पुर्याएको सहयोगको पनि प्रशंसा गरे