संविधान संशोधन दलहरूको सहमतिमा : देउवा 

नेपाली कांग्रेसका सभापति शेरबहादुर देउवाले संविधान संशोधन राजनीतिक दलहरूको सहमतिमा गरिने बताएका छन्।

बिराटनगर विमानस्थलमा सञ्चारकर्मीहरूसँग कुरा गर्दै उनले संविधान संशोधनका लागि दुई-तिहाइ बहुमत आवश्यक पर्ने भएकाले दलहरूसँग वार्ता गरी सहमति गर्ने स्पष्ट पारे।

पूर्वप्रधानमन्त्री समेत रहेका देउवाले प्रधानमन्त्री केपी शर्मा ओलीको हालै सम्पन्न चीन भ्रमणका क्रममा बेल्ट एण्ड रोड इनिसिएटिभ (बीआरआई) अन्तर्गत कुनै ऋणसम्बन्धी सम्झौता नभएको उल्लेख गरे। उनले यस कदमका लागि प्रधानमन्त्री ओलीलाई धन्यवाद दिए।

देउवाले वर्तमान गठबन्धन सरकारप्रति जनतामा कुनै गुनासो नभएको र ठूला दुई दलबीचको सहकार्यले देशलाई राजनीतिक स्थायित्व र समृद्धितर्फ अगाडि बढाएको दाबी गरे।

उनले कांग्रेसको महाधिवेशन तोकिएकै मितिमा हुने र नयाँ नेतृत्व निर्वाचनमार्फत चयन गरिने बताए।

सभापति देउवा कांग्रेसको प्रदेशस्तरीय सम्मेलनमा सहभागी हुन भोलि बिराटनगर जाने तयारीमा छन्।