नयाँ नेतृत्व, नयाँ अपेक्षा : दीपक थापा प्रहरी प्रमुख

नेपाल प्रहरीले फेरि एकपटक नयाँ नेतृत्व पाएको छ। दीपक थापा अब ३१औँ प्रहरी महानिरीक्षक (आईजीपी) बनेका छन्। सरकारको सोमबार साँझको मन्त्रिपरिषद् बैठकले उनलाई नेपालको सुरक्षा निकायको सर्वोच्च पदमा पु¥याएको हो।

विगतमा केन्द्रीय अनुसन्धान ब्यूरो (सीआईबी) को नेतृत्व सम्हालिरहेका थापा अब सम्पूर्ण संगठनको दिशा तय गर्ने भूमिकामा पुगेका छन्। उनको कार्यशैली, सोच र रणनीति अब प्रहरी संगठनको गतिशीलतासँग जोडिनेछ।

निःसन्देह, प्रहरी संगठन अहिले विभिन्न चुनौतीको सामना गरिरहेको छ— अपराध नियन्त्रण, जनविश्वास अभिवृद्धि, प्रविधिमैत्री सेवा, र संगठनभित्रको अनुशासन व्यवस्थापन। यस्ता बेला नेतृत्वमा आउने व्यक्तिको दृष्टिकोण निर्णायक हुन्छ

थापा प्रतिस्पर्धामा रहेका एआईजी टेकबहादुर तामाङ र सुदीप गिरीलाई पछि पार्दै आईजीपी बनेका हुन्। तामाङ उपत्यका प्रहरी कार्यालय, र गिरी राष्ट्रिय प्रहरी प्रशिक्षण प्रतिष्ठानमा कार्यरत छन्। तर, सरकारको विश्वास थापामाथि गयो, त्यो उनीसँग जोडिएका अनुभव, क्षमता र समर्पणको परिणाम हुनसक्छ।

अब जनताको अपेक्षा पनि उस्तै उच्च छ— भ्रष्टाचाररहित प्रहरी, छिटो न्यायिक प्रक्रिया, र नागरिकमैत्री सेवा प्रणाली। नेतृत्व फेरिएसँगै प्रणाली पनि सुध्रिन्छ भन्ने विश्वास जनताले राखेका छन्।

यसपटकको नेतृत्वले त्यो भरोसा कायम राख्न सक्छ कि सक्दैन, अबको समयले देखाउनेछ।