तेहरान, इरान — इरानमा अलपत्र परेका नेपाली नागरिकका लागि अब आशाको किरण देखिएको छ। भारत सरकारले इरानस्थित आफ्नै दूतावासमार्फत नेपाल र श्रीलंकाका नागरिकको उद्धारका लागि सक्रिय भूमिका खेल्ने बताएको छ।

भारतीय दूतावासले सामाजिक सञ्जाल एक्स (पूर्व ट्विटर) मार्फत जानकारी दिँदै नेपाल तथा श्रीलंकाका नागरिकहरूले आफूहरूबाट आवश्यक सहयोग पाउने स्पष्ट गरेको छ। उद्धार प्रक्रियालाई सहज बनाउन दूतावासले तीनवटा सम्पर्क नम्बर समेत सार्वजनिक गरेको छ।

बीबीसीको रिपोर्ट अनुसार, इरानमा आप्रवासी कामदारका रूपमा गएका केही नेपालीहरू मानव तस्करी र धोका पारी अलपत्र परेको खबर सार्वजनिक भएपछि भारतीय दूतावासको यस्तो कदम आएको हो।

यस सहयोगपछि इरानमा अलपत्र रहेका नेपालीहरूलाई सुरक्षित घर फर्काउने प्रक्रिया सहज हुने विश्वास गरिएको छ। नेपाल सरकार र भारतीय पक्षबीच आवश्यक समन्वय भइरहेको जनाइएको छ।