कक्षा १२ को नतिजा सार्वजनिक, ६१.१७ प्रतिशत विद्यार्थी मात्र उत्तीर्ण

काठमाडौं, श्रावण  १९ – राष्ट्रिय परीक्षा बोर्डले कक्षा १२ को नतिजा आज सार्वजनिक गरेको छ। बोर्डका अनुसार परीक्षामा सहभागीमध्ये ६१.१७ प्रतिशत विद्यार्थी मात्र उत्तीर्ण भएका छन् भने बाँकी ३८.८३ प्रतिशत विद्यार्थीले ननग्रेड (NG) प्राप्त गरेका छन्।

यस वर्ष देशभरबाट चार लाख १० हजार ५२ जना विद्यार्थीले परीक्षाको लागि फारम भरेका थिए। तीमध्ये चार लाख दुई हजार ७७७ जना परीक्षा केन्द्रमा उपस्थित भएका थिए।

बोर्डका अध्यक्ष डा. महाश्रम शर्माले दिएको जानकारीअनुसार ननग्रेडमा परेका विद्यार्थीहरूले पुनः परीक्षा दिन सक्नेछन्। पूरक परीक्षाको मिति बोर्डले चाँडै सार्वजनिक गर्ने जनाएको छ।

नतिजा बोर्डको वेबसाइट www.neb.gov.np तथा नेपाल टेलिकमको neb.ntc.net.np मार्फत हेर्न सकिनेछ। साथै, विद्यार्थीहरूले १६०० नम्बरमा फोन गरी वा SMS बाट पनि नतिजा थाहा पाउन सक्नेछन्।

बोर्डले ग्रेडिङ प्रणालीअनुसार प्राप्ताङ्कअनुसार ग्रेड दिएको छ। न्यूनतम ग्रेड प्राप्त नगरेका विद्यार्थीलाई ननग्रेड दिइन्छ, जसका लागि पूरक परीक्षा प्रणाली सञ्चालन गरिन्छ।