शेयर बजारमा उत्साह: नेप्से ५३ अंक उकालो, सबै समूह हरियालीमा

 काठमाडौं भाद्र ११ बुधबार  – देशको शेयर बजार बुधबार उत्साहपूर्ण बन्यो । नेपाल स्टक एक्सचेञ्ज (नेप्से) सूचक दिनभरको कारोबारपछि झण्डै आधा सेन्चुरी पार गर्दै ५३ अंकले उकालो चढ्यो । सूचक १.९१ प्रतिशतले बढेर २८१९.१० विन्दुमा पुग्दा लगानीकर्तामा खुसी छाएको छ ।

आजको कारोबार रकम पनि उल्लेख्य मात्रामा बढ्यो । कुल ७ अर्ब ६८ करोड ३३ लाख रुपैयाँभन्दा बढीको १ करोड ४९ लाख ८६ हजार कित्ता शेयर खरिद–बिक्री भयो । दिनभर ७२ हजार ५२८ पटक कारोबार हुँदा ३२१ कम्पनीका शेयर किनबेचमा आएका थिए ।

बजार बन्द हुँदासम्म २३२ कम्पनीको मूल्य बढेको छ भने १९ कम्पनी मात्र घटेका छन् । कुनै पनि कम्पनी स्थिर देखिएनन् । यससँगै १३ वटा उपसमूहमध्ये सबै समूहले हरियाली देखाए ।
सबैभन्दा बढी लाभ विकास बैंक समूहले पाएको छ, जसले आजको बजारलाई बलियो बनाएको छ ।

 लगानीकर्ताका अनुसार, पछिल्ला दिनमा देखिएको सुस्त वातावरणपछि बुधबारको उत्साहले बजारमा नयाँ उर्जा थपेको छ ।