अन्तरिम सरकारले फागुन २१ मा आम निर्वाचनको प्रस्ताव तयार गर्दै

काठमाडौँ भाद्र २७,  मुलुकमा नयाँ राजनीतिक समीकरण बनेसँगै आम निर्वाचनको मिति तय गर्ने तयारी भएको छ। फागुन २१ गतेलाई लक्षित गर्दै निर्वाचन गराउने विषयमा अन्तरिम सरकारले प्रस्ताव तयार गरिरहेको उच्च स्रोतले जानकारी दिएको छ।

राष्ट्रपति रामचन्द्र पौडेलले पूर्वप्रधानन्यायाधीश सुशीला कार्कीलाई प्रधानमन्त्री नियुक्त गरेपछि राजनीतिक गतिरोध अन्त्य गर्ने प्रयास स्वरूप निर्वाचनको मिति तय गर्ने प्रक्रिया अघि बढाइएको जनाइएको छ।

स्रोतका अनुसार कार्की नेतृत्वको अन्तरिम मन्त्रिपरिषद्ले आगामी केही दिनमै निर्वाचन तालिका सार्वजनिक गर्ने तयारी गरेको छ। यससँगै मुलुक फेरि एकपटक निर्णायक राजनीतिक यात्रामा प्रवेश गर्ने संकेत देखिएको छ।