काठमाडौं असाेज १४ – स्वास्थ्य विशेषज्ञहरूले अहिले आधुनिक भान्सामा तेल, मसला र प्रोसेस्ड सामानको अत्यधिक प्रयोगले शरीरमा हानिकारक असर पार्ने चेतावनी दिइरहेका बेला नेपाली परम्परागत शैलीमा मासु पकाएर खाने अभ्यास पुनःप्रसङ्गिक बनेको छ।

नेपालका विभिन्न जातजातिका पुराना भान्साप्रणालीमा मासु पकाउने तरिका स्वास्थ्यप्रद र स्वादिष्ट दुवै मानिन्छ। प्राचिन विधिमा मासु धुवाँमा सुकाउने, कम मसला प्रयोग गर्ने, ढुंगाको सिलबट्टामा पिसेका प्राकृतिक मसला हाल्ने, काठको आगोमा ढिलो-ढिलो पकाउने र आयुर्वेदिक जडीबुटी प्रयोग गर्ने चलन रहिआएको थियो।

विशेषज्ञहरूका अनुसार, यस्तो तरिकाले पकाइएका मासुमा प्रोटिन, आयरन र अन्य खनिज तत्व सुरक्षित रहन्छन् भने शरीरलाई तौल नियन्त्रण गर्न र पाचन प्रणालीलाई सन्तुलनमा राख्न सहयोग पुर्‍याउँछ।

लोक परम्परामा सेकुवा, झोलमा पकाइएको खसीको मासु, बाँसको भाँडामा पाक्ने परिकार, र धुवाँमा सुकाइने ‘सुकुटी’ जस्ता विधि आज पनि ग्रामीण क्षेत्रमा लोकप्रिय छन्। यस्ता विधि पुनःप्रयोग गर्न सकेमा स्वस्थ जीवनशैलीसँगै नेपाली मौलिक खानपानको पहिचान जोगाउन सकिने विज्ञहरूको धारणा छ।

स्वास्थ्य सरोकारवालाले नयाँ पुस्तालाई “कम तेल, प्राकृतिक मसला, र परम्परागत तरिका” अपनाएर मासु खान आग्रह गरेका छन्।