सरकारले पेश गरेको आगामी आर्थिक वर्ष २०८०/०८१ का लागि विनियोजन विधेयकका सिद्धान्त र प्राथमिकतामाथि संघीय संसदमा छलफल सुरु भएको छ

सङ्घीय संसद्को आइतबारको पहिलो बैठकमा अर्थमन्त्री डा प्रकाशशरण महतले पेश गरेको विधेयकका सिद्धान्त र प्राथमिकताका विषयमा (करबाहेक) छलफल गर्न दिने प्रस्तावमाथि सांसदहरुले आज धारणा राखेका छन् ।

छलफल तीन दिनसम्म चल्नेछ । सो अवसरमा पूर्वअर्थमन्त्री ज्ञानेन्द्रबहादुर कार्की र विष्णुप्रसाद पौडेलले मुलुकको अर्थतन्त्रको विद्यमान अवस्था, सम्भावित चुनौती र आगामी रणनीतिका बारेमा धारणा राखेका थिए ।

उनीहरुले अर्थतन्त्रलाई सुधारको बाटोमा लैजान रोजगारीको अवसर सिर्जना गर्ने र दिगो आर्थिक विकासमा योगदान पुर्याउने कार्यक्रमहरूलाई प्राथमिकतामा राख्नुपर्नेमा जोड दिए ।

नेपाली कांग्रेसका सांसद कार्कीले आगामी बजेट उत्पादन र रोजगारीमा केन्द्रित हुनुपर्ने सुझाव दिए । ‘आम्दानीका श्रोतहरू घटेकाले उत्साहित भएर बजेट बनाउने फुर्सद हामीसँग छैन, अहिलेको अवस्थामा यथार्थपरक बजेट चाहिन्छ तर लोकप्रिय होइन,उनले भने

उनले विधेयकका सिद्धान्त र प्राथमिकताका आधारमा आर्थिक वृद्धि, रोजगारीका अवसरमा वृद्धि र दिगो अर्थतन्त्रको विकास गर्न मन्त्री डा महतले गरेको प्रतिबद्धतालाई स्वागत र समर्थन गरे ।

त्यसैगरी नेकपा (एमाले)का सांसद पौडेलले अर्थतन्त्रका सम्भावित चुनौतिलाई पार गर्दै देशलाई आर्थिक समृद्धिको बाटोमा लैजाने लक्ष्यलाई बजेटले प्राथमिकतामा राख्नुपर्ने सुझाव दिए ।

उनले देशको अर्थतन्त्रको नकारात्मक सूचक सुधार गर्न प्रभावकारी पहल गर्न नसके आर्थिक मन्दी आउन सक्ने चेतावनी समेत दिए । अहिलेको आर्थिक चुनौतीलाई मध्यनजर गर्दै बजेटमा पनि समेट्नुपर्ने उनको भनाइ छ ।

शून्य समय: नक्कली भुटानी शरणार्थी घोटालामा गहिरो छानबिन गर्न सांसदहरूले आह्वान गरे

यसैबीच प्रतिनिधिसभाको आजको बैठकमा शून्य समयमा बोल्दै सांसदहरुले नक्कली भुटानी शरणार्थी काण्डको गम्भिर र गम्भिर अनुसन्धान गर्न माग गरेका छन् ।

अर्जुननरसिंह केसीले यस्त काण्डले राष्ट्रलाई लज्जित तुल्याएको बताउँदै काण्डमा संलग्न सबैलाई कारबाही गर्न आह्वान गरे । उनले यस विषयमा सर्वोच्च अदालतका पूर्व प्रधानन्यायाधीशको संयोजकत्वमा उच्चस्तरीय छानबिन समिति गठन गर्न पनि माग गरे ।

असिम शाहले पनि केसीको भनाइप्रति आलोचना गर्दै घोटालाको गम्भीर छानबिन गर्न माग गरे भने चित्रबहादुर केसीले उच्च पदमा बसेका व्यक्तिहरू यसमा संलग्न भएकाले यस काण्डलाई गम्भीरताका साथ लिन संसदलाई आग्रह गरे । केसीले यसअघि पनि ठूला काण्ड र भ्रष्टाचारका मुद्दामा परेको चलन जस्तै यस विषयलाई नफर्काउन चेतावनी दिए ।

त्यसैगरी सांसद अच्युतप्रसाद मैनाली, अञ्जनी श्रेष्ठ, अनिता देवी, अनिशा नेपाली, अश्माकुमारी चौधरी, अमृतलाल राजवंशी, अमरबहादुर रायमाझी, ईश्वरी घर्ती, ऋषिकेश पोखरेल, ऐनबहादुर शाही, गणेश पराजुली, गंगा कार्की र कार्की चन्दले ध्यानाकर्षण गराए । जनताको जनजीवन, देशको अर्थतन्त्र र विकासका पूर्वाधारसँग जोडिएका कैयौं ज्वलन्त मुद्दामा सरकार विषयमा उठान गरेका छन्