वडाध्यक्षले तीन महिनामा खानेपानी आयोजना सम्पन्न
२०८० श्रावण ६, शनिबार ०६:५५
तनहुँको भानु नगरपालिका–१३ का वडाध्यक्ष कृष्णबहादुर अधिकारीले इच्छाशक्ति र सक्रियताले तीन महिनाभित्र खानेपानी आयोजना सम्पन्न गरी उदाहरण बसाएका छन् ।
वडाध्यक्ष अधिकारीले पोखरीछाप गाउँपालिकाका प्रत्येक घरघरमा धाराबाट खानेपानी पुर्याएर तीन महिनाभित्र खानेपानी आयोजना सम्पन्न गरे । खानेपानीको समस्याबाट मुक्ति पाएपछि स्थानीयवासी अहिले खुसी भएका छन् ।
घरका धाराबाट सफा पिउने पानी झर्न थालेपछि अब एक गागा पानी लिन घण्टौं खर्च गर्नु नपर्ने उनीहरुको भनाइ छ ।
गत वैशाखमा सुरु भएको ‘पोखरीछाप लिफ्टिङ खानेपानी आयोजना’को निर्माण असारमा तीन महिनामा सम्पन्न भएको थियो ।
गाउँका ५६ घरधुरीको खानेपानीको समस्या छोटो समयमा समाधान गरेकोमा वडा अध्यक्ष अधिकारीको प्रशंसा भएको छ ।
स्थानीय मायादेवी थापाले निर्वाचनका बेला खानेपानी उपलब्ध गराउने वाचा गरेको बताइन् । योजना छोटो समयमा साकार भयो र सबैले कामको प्रशंसा गरे।
वडाध्यक्षको प्रयासले एक घन्टा पानीका लागि चार घण्टा खर्च गर्नुपर्ने बाध्यता अन्त्य भएको उनले बताइन् ।
खानेपानी आयोजना उपभोक्ता समितिका अध्यक्ष गुणमाया गुरुङले आयोजना सम्पन्न भएपछि दैनिक बिहान ४ बजेदेखि एक गांडा पानीका लागि लाइनमा उभिनुपर्ने बाध्यता अन्त्य भएको बताए ।
सोही ठाउँकी ७० वर्षीया सीता थापाले विगतमा एउटा गाडा पानी ल्याउन भोग्नुपरेको कठिनाइ सम्झँदा आँसु झर्छिन् ।
भानु नगरपालिका र वडा कार्यालयले आयोजना निर्माणका लागि रू १० लाख र निर्माण लागतको २० प्रतिशत स्थानीयले स्वयंसेवी श्रमदानबाट व्यहोर्ने गरेका छन् ।
वडा कार्यालय परिसरमा खानेपानीको ट्याङ्की निर्माण गरी विद्युतबाट ५ सय मिटर माथि उचालेर पानी वितरण गरिएको वडा कार्यालयले जनाएको छ ।
वडाध्यक्ष अधिकारीले भने, “निर्वाचनका बेला खानेपानी उपलब्ध गराउने प्रतिबद्धता गरेको थिएँ, त्यसलाई प्राथमिकता दिएर योजना सुरु गरेको थिएँ, अब तीन महिनामा आयोजना सम्पन्न भएकोमा म खुसी छु ।”
बजेट अभावमा अलपत्र रहेको समीरी लिफ्टिङ खानेपानी आयोजना पनि आफ्नो कार्यकालमा सम्पन्न हुने उनले बताए ।
उनले वडाको बजेटले आयोजना सम्पन्न गर्न नपर्ने भन्दै प्रदेश र प्रदेश सरकारसँग बजेट माग गरेको बताए




